C'l artìcul chè 'l è scrit in
Miranduléś |
![]() | ||
Shallow ground - Misteri sepolti | ||
![]() Stan Kirsch in na figùra dal film | ||
Shallow ground - Mistēr saplî 2004 | ||
---|---|---|
Regìa: Sheldon Wilson | ||
Scritōr: Sheldon Wilson | ||
Atōr: Timothy V. Murphy • Lindsey Stoddart Stan Kirsch • Patty McCormack • Natalie Avital Rocky Marquette • Chris Hendrie • Tara Killian | ||
Müsica: Steve London | ||
Léngua: Ingléś | ||
Dürä dal film: 97 minüt | ||
Nasiōṅ: Stat Unî |
Shallow ground - Misteri sepolti (Shallow ground - Mistēr saplî) 'l è 'n film ad scarésa dal 2004 scrit e dirèt par Sheldon Wilson.
La pelìcula l'è stada giràda a Los Angeles c'n un budget stimâ ad stanta-dumìla dòlar.
In dla sitadìna 'd Shallow Valley in di Stat Unî Albert Underhill (Chris Hendrie) 'l è dimóndi in pinsēr par sò fiōla Amy (Tara Killian) ch'l è stada turturàda da 'n manìac sénsa che 'l agìnt Jack Sheppard (Timothy V. Murphy) al psis far gnint. Ma la ragàsa la n è minga la sōla a èsar sparìda, dimóndi àtar sugèt i n s càtan piò e a s pènsa ch'i pòs'n èsar mòrt.
Adès che la diga l'è finìda, soquànt parsòni i aṅ decìś 'd andàr a star da n'atra banda, minga la sgnōra Helen Reedy (Patty McCormack) ch'la viṿ lè da sèmpar. Pròpria quànd anc la pulisìa l'è drē a far sù baràca e buratèṅ, a riva lè un śōvan nûd tut quaciâ 'd sànguv (Rocky Marquette). Gl'agìnt Stuart Dempsey (Stan Kirsch) e la Laura Russell (Lindsey Stoddart) i ciàm'n in ajùt Jack ch'a sò vòlta la dmanda a la siensiàda Darby Owens (Natalie Avital) 'd analiśàr al sànguv par védar s'al ragàs 'l è 'n sasèṅ o s'l à sōl masâ dal bèsti. Tulénd śò al sò didàdi a salta fóra ch'i èṅ cumpàgni a qvéli 'd soquànti dal parsòni sparìdi, anc la sò ghigna la pâr un misćiùs dal faci lōr.
Al ragàs a pâr ch'al gh'àppia di putēr paranurmài, al pōl śbavśàr dal sànguv dapartùt e quànd qualchidòṅ al s màcia al dvènta bòṅ ad vìv'r incóra in dla sò mènt i masamènt patî da 'l vitmi.